ဒီနေ့ကိုမြှုပ်နှံဖို့
ကောင်းကင်ဘုံကလက်နှစ်ဖက်ဆိုတာ
မသေချာပါဘူး။
တစ်နေ့တစ်ခြား
လူတွေပါးစပ်ဖျားမှာ ခေတ်စားလာတဲ့စကား၊
“ဒုက္ခသစ္စာ” တဲ့။
မြေကြီးထဲ ပုန်းဝင်နေသော
သတ္တုစလေးတစ်ခုပမာ
အနုပညာဟာ တူးဖော်ရန်
ခက်ခဲလွန်းပါတယ်။
ဒီ့အတွက် ရနိုင်သမျှထက်
ပိုမိုလိုအပ်နေတာလည်း
သူငယ်ချင်းတို့နဲ့ ဖွဲ့စည်းဖို့
မျှော်လင့်ချက်တွေပါပဲ။
နောင်လာမည့် ရာစုသစ်၌
ယုံကြည်မှုတက်တူးတွေနဲ့ ငါ့မျက်နှာကို
လူငယ်တွေက တီရှပ်မှာ
ရိုက်နှိပ်ဝတ်ဆင်ကြပါလိမ့်မယ်။
ငါ့အလွမ်းတွေကိုတော့
ခေါင်းလောင်းထိုးသံလို
လေထဲလွင့်နေပစေပေါ့။
ချာတူးလန်တို့ရဲ့ ကိုးကွယ်ရာပဲဖြစ်ဖြစ်၊
ခွေးပါးစပ်က နတ်စကားထွက်တယ်ပြောပြော၊
ရောက်ရှိလာမဲ့
ကံတရားတွေအတွက် ငါတို့
အဖြူ၊ အမည်း သဲကွဲကြပါစို့။ ။
( ဝေမှူးသွင် )
Tuesday 13 March 2012
Subscribe to:
Post Comments (Atom)
No comments:
Post a Comment